Sáluhjálparsveitin

Ég hef ákveðið að fara að ráðum vinar míns sem hefur bloggað um skeið og lætur vel af því. Hann telur sig annan og betri mann eftir að hann tók upp á því. Fúllyndi hans ásamt þrálátri geð- og mannvonska fær loksins heppilegan farveg. Fjölskyldan er lukkuleg og hann sjálfur heldur sig vera að leggja eitthvað stórkostlegt til umræðunnar. Sannast sagna held ég að það lesi þetta mjög fáir - í besta falli hans allra nánustu. En þetta er sáluhjálp og hún er mikils virði.

Athugasemdir

[Pálmi Gunnarsson, 21.5.2007 kl. 00:02]

Fæ hér með þann heiður að bjóða þig hjartanlega velkominn í bloggheima. Ég tel að vinur þinn hafi ráðið þér heilt. Persónulega er ég allt annar eftir að ég fór að blogga. Í stað þess að vera í stöðugu rifrildi við sjálfan mig sem leit ekki alltof vel út,  þá hef ég fundið öllum mínum hugrenningum heppilegan farveg og fæ tækifæri á að halda uppi misgáfulegum samræðum við frábæra bloggvini. 

[Gunnar Th. Gunnarsson, 21.5.2007 kl. 17:24]

Heheh..já sennilega er þetta bara ágætis sáluhjálparatriði.