Að bera sand á Kleppi

  Fyrsta leikhlutverk mitt eftir skóla var í einþáttungi Agnars Þórðarsonar, "Sandur". Agnar var sonur Þórðar Sveinssonar yfirlæknis á Kleppi og fjallaði verkið um þrjá vistmenn á Kleppi sem eyddu deginum í að bera sand í fötum neðan úr kjallara og upp á efstu hæð. Þar sturtuðu þeir úr fötunum ofan í rennu og þaðan rann sandurinn síðan aftur ofan í kjallara.  Sagan segir að þegar þetta hafi verið aðferð þeirra tíma til að kanna andlegt heilbrigði vistmanna; um leið og þeir áttuðu sig á því að þeir voru alltaf að bera sama sandinn þá voru þeir útskrifaðir heilbrigðir. Þetta er einföld aðferð sem mætti taka upp og nota víða annars staðar í þjóðfélaginu.

Athugasemdir

[Árni Gunnarsson, 27.5.2007 kl. 16:53]

Það mætti prófa þessa aðferð á starfsmönnum Hafró.

Ég held nú að útkoman vekti engum undrun nema þeim sjálfum.